काठमाडौं । युवा तथा खेलकुद मन्त्री डिगबहादुर लिम्बूलाई पत्नीशोक परेको छ ।
मन्त्री लिम्बूकी श्रीमती गङ्गामायाको गएराति ५८ वर्षको उमेरमा निधन भएको मन्त्री लिम्बूका स्वकीय सचिव रोशनविक्रम राईले जानकारी दिए ।
उनको मोरङको लेटाङस्थित आफ्नै निवासमा निधन भएको हो । गङ्गामाया लामो समयदेखि क्यान्सरबाट पीडित थिइन् । उनको आजै अन्त्येष्टि गरिने बताइएको छ ।
गङ्गामायाका एक छोरा र एक छोरी छन् ।
